【專家分析】第4季買金唔炒股？

【Now財經台】回顧第3季，環球投資市場表現分化，美股方面，道指要跌，標指及納指就累升2%。亞股方面，韓股上季累挫近20%最傷，日本都要跌，但台股有得升，恒生指數表現都唔錯，累升約7%。資產類別方面，表現最突出除油價外，比特幣(Bitcoin)都唔錯，美國長債債價都要跌8%，金價則扭轉第2季跌勢靠穩。踏入第4季，點預測各類資產及股市表現，投資者應該點部署？

泓瀚資本董事盧志威指，第4季將步入高息時代，但資金會較緊絀，相信投資者會變得較保守，估計傳統股市表現難有太大驚喜。

William又話，若投資者認為息口升至某個水平時，美國聯儲局將會買返長債，以壓低利率，咁就應該優先部署黃金、Bitcoin等硬資產，不過，出現呢個情況嘅前提係，30年期長債息迫近6厘水平，如果聯儲局到時出手，美元將會走弱，但金價就會升，所以中長期可以考慮買黃金。