【槓桿致勝】「十一黃金周」牛熊證點部署？

【Now財經台】港股昨日(28日)反彈，好友食糊離場，好倉連續4個交易日淨流入後，昨日轉為淨流出6660萬元，而淡倉就連續3日淨流出後，昨日再流入逾5000萬元，熊證各倉位都有增無減，重貨區由25400點下移至25000點。牛證倉位移晒去貼價位置，重貨區上移至24200點。「十一」假期前，大家都快炒一轉短，而長假期間北水「缺席」，要到下周四(10月8日)先重臨，想部署恒指牛熊證，收回價點擺位？

胤源世創家族辦公室(香港)第一副總裁黃偉豪表示，如果只係擺呢2日，博大市上落係可以，但如果想擺過「十一」假期就要擺遠少少，以牛證為例，呢幾日支持位喺24300點水平，暫時仍未跌穿，但如果想擺過假期，建議擺23900點樓下。熊證方面，要擺過「十一」黃金周就擺遠少少，收回價擺25000點樓上。