【期匯決算】若Yen見163 淡倉宜計數離場

【Now財經台】日本國債遭拋售，5年期債息升至2.38厘嘅歷史高位，10年期亦升至約3厘，衝上30年高位。日本股市今日(24日)假後復市造好，但日圓喺流動性回升下，落到158水平，自日本央行上周宣布加息後，日圓走勢差，係咪好快就跌到160水平，唔使咁心急買日圓？

獨立外匯商品分析師盧楚仁估計，日圓應該好快見160，當美元及日股都強，一定利淡日圓，消化加息呢個利好消息後，就好大機會一如以往出現逆轉。

Jasper認為暫時先睇160，之後再視乎會唔會有干預行動，一旦穿咗160，如果去到163就要留意，如果開咗淡倉，要考慮先行獲利離場。