【期匯決算】美匯指數有力挑戰101.5

【Now財經台】「習特會」即將舉行，咁啱又召開聯合國大會，美國總統特朗普(Donald Trump)喺大會上發言時，趁機宣揚美國實力，美匯指數之前出現回調，現時已彈上100.5，現時已過咗呢個黃金分割，睇返美國經濟表現，加上通脹問題及加息憧憬，美元後市會唔會進一步轉強？

艾德金融投資執行董事文錦輝指，美國聯儲局加息，其他國家都會跟加，但美國經濟相對強勁，加上喺美國債息支持，以及資金流入美股，均利好美元，美匯指數有機會升至101.5，建議投資者等美匯指數落到介乎98至100再考慮買入美元。