【專家分析】短炒Meta博破頂唔難

【Now財經台】流入納斯達克100指數ETF(Invesco QQQ)嘅資金係1年最多，期權市場亦反映緊納指100本周破頂機會達67%，期權價格就反映最有機會推動指數破頂係Meta、英特爾(Intel)，同埋本周後期出第4季業績嘅美光(Micron)，而市場都估計呢3隻股份年底前有機會破頂，係咪真係可以再創新高？

高富金融集團投資總監梁偉民指，Meta推出人工智能代理(AI Agent)，市場認為Meta有領先優勢，集團客戶群龐大，社交媒體客戶黏性又高，再配合AI代理，係有相得益彰嘅效果。不過，AI發展太快，隔幾個月就有新模型面世，所以Meta可唔可以持續領先仲要觀察。現時Meta股價距離高位，即700至800美元唔遠，所以短期再破頂唔出奇。

Intel方面，現價距離高位仲有一段距離，但過去1年升得好誇張，估值絕對唔平，而市場亦擔心集團代工業務可唔可以扭虧為盈，呢方面都需時觀察。