【槓桿致勝】恒指牛熊證不宜揀太貼

【Now財經台】恒生指數連升3個交易日，大市今朝(22日)高開128點，好倉獲利流出規模增至5210萬元，5日合計，有1180萬元資金坐貨，淡友昨日流入3790萬元，5日合計逾4400萬元資金離場。牛證重貨區24300點倉位有所減少，最多人加倉喺24500點至24700點，熊證重貨區喺25300點，恒指3日累升近500點，差少少就收回熊證重貨，牛熊證點擺位較合適？

胤源世創家族辦公室(香港)第一副總裁黃偉豪指，現階段太貼價有一定收回風險，近期大市走勢強勁，幾日時間已經反彈500點，無論部署牛證定熊證，比較適合做即市部署，若擺過夜就要揀遠少少。

Ravi又指，近日大市氣氛有改善，恒指回升至25100點樓上，重現7月尾至9月中橫行區間，如果投資者認為大市可以挑戰26100點水平，牛證可以擺24300點樓下，收回風險較低，熊證可以擺較近嘅25700點，26100點樓上就更加安全，呢啲位置做收回價比較合適。