【全民打新】納真科技定價吸引首掛有得炒？

【Now財經台】光通信概念股納真科技(09856)昨日(17日)截飛，公司計劃發行1.72億股，當中10%會喺本港公開發售，招股價32.96元，每手100股，入場費約3329元，集資約5.67億元，股份預期喺下周二(22日)首日掛牌。納真上市前，人工智能(AI)概念股今日(18日)有唔錯嘅反彈，可唔可幫手造下勢，納真掛牌有冇機會響頭炮？

高歌證券金融首席分析師聶振邦指，睇返納真基本面，不論用市盈率(PE)、市帳率(PB)，還是市銷率(PS)計，公司數值都低過行業，所以初步睇嚟定價有一定吸引力。此外，集團上半年收入及盈利按年增長約30%，再配合基石投資者佔招股規模50%，因此，投資者認購做中長線部署都係合理。

不過，聶Sir提醒，納真短線表現仍要視乎市況，同埋會唔會有不確定性。