【專家分析】放慢AI發展係「面一套 底一套」？

【Now財經台】英偉達(Nvidia)行政總裁黃仁勳指，業界唔需要新法規去規管人工智能(AI)，企業會自行兼及安全和發展，不過，同場嘅AI初創公司Anthropic行政總裁阿莫迪(Dario Amodei)，再度呼籲業界放慢研發步伐，美股嘅AI硬件股昨晚(15日)個別發展，網絡安全相關軟件股續跑贏，AI半導體硬件股後市仍面對幾大壓力？

泓瀚資本董事盧志威指，市場上愈來愈多反對AI嘅聲音，主要係AI搶走唔少人飯碗，例如AI結合汽車，顛覆傳統嘅自動駕駛。此外，AI帶來嘅財富集中喺使用者手上，未能受惠嘅人自然傾向反對。

不過，佢認為AI發展唔會因為咁而放慢，雖然Anthropic主張放慢AI發展步伐，但仍保持領先地位，始終涉及利益衝突，企業即使口頭上講得審慎，最終都會繼續發展AI。