【專家分析】美債息風暴引爆金融危機？

【Now財經台】沙特阿拉伯關閉重要輸油管，刺激油價再飆升，令市場對通脹嘅憂慮加劇，繼而令美國聯儲局加息預期持續升溫，拖累美債遭拋售，美國10年期債息昨晚(14日)一度高見5.0121厘，係2007年7月以嚟最高水平，亦係2008年金融海嘯爆煲前水平，後續仲有幾大上升空間？ 到咗引爆金融問題臨界點未？

高富金融集團投資總監梁偉民指，債息抽升會對經濟造成壓力，影響企業借貸成本，對新投資會更審慎。消費層面上，透過借貸嘅消費因利息成本上升，一定令消費者減少消費，增加儲蓄，繼而影響整體經濟。股市方面，投資者會擔心息口上升令企業盈收減少，或導致高增長、高估值板塊受壓。

Wyman續指，雖然近日股市調整幅度唔算大，但債息已自低位大幅扯高，美國10年期債息由年初約4.2厘，抽升至現時約5厘，但估計短期仍未見頂，因為通脹、加息仍然不明朗，加上市場擔心美國債務問題，期限溢價仲升緊，而長債息亦會跟升。