【FINTERVIEW】小心內地出現「K型經濟」(下)

【Now財經台】內地今朝(9日)出咗通脹數據，8月全國居民消費價格指數(CPI)按年升0.8%，工業生產者出廠價格指數(PPI)按年升3.8%，雖然數據略為回升，但7月以來整體經濟仍然靠出口撐，若內需短期內冇明顯起色，今年國內生產總值(GDP)要增長4.5%至5%係咪好難達標？

富邦銀行(香港)投資策略及研究部主管潘國光指，目前情況有正有負，正面在於即使喺人民幣升值背景下，中國出口競爭力仍然好強勁，佔全球出口逾30%，並以中高科技半導體、無人機等高端產品為主，令競爭力唔會咁易受匯價影響，但長遠而言，可能會出現「K型經濟」(K-shaped Economy，即經濟喺復甦或增長時，唔同產業及企業等發展時，出現極端分化情況。)，低端產業或受影響向下滑，衍生出貧富懸殊同就業問題，潘國光認為，除咗針對內需增加財政開支外，亦可以讓人民幣升，令購買力強啲，減輕通脹壓力。

佢又話，GDP增長的確有隱憂，若10月初公布嘅第3季GDP增長低過4.5%，相信10月召開嘅中央會議將會有升級嘅財政政策出台。