【槓桿致勝】恒指牛熊證點擺位？

【Now財經台】港股昨日(7日)跌完，今朝(8日)再低開過百點，好倉轉為有資金流入，昨日流入8670萬元，5日合計，有約3000萬元坐貨，淡友就獲利離場，淡倉昨日流出7360萬元，5日合計，近3000萬元離場。牛證整體都有加倉，重貨區上移至24900點，最多人加倉係25200點，熊證重貨區喺25800點，近兩個星期，恒指都喺25000點至25800點上落，牛熊證點擺位較合適？

胤源世創家族辦公室(香港)第一副總裁黃偉豪指，恒指暫時喺25000至26100點上落，後市要留意幾時可以突破呢個框框，今個星期可以留意美國消費物價指數(CPI)，因為會影響美國聯儲局議息結果。

Ravi又指，如果向上突破26100點，或進一步向挑戰26500點水平，若失守25000關，或要下試24800點以下水平，如果做即市部署，下方可以擺25000點，上方可以擺26100點，但如果做過夜部署，牛證可以擺24800點樓下，熊證可以擺26100點樓上，呢啲位置做收回價會比較合適。