【專家分析】新意網成AI大時代贏家

【Now財經台】新意網集團(01686)股價今日(2日)一度逆市飆逾17%，高見5.74元，集團昨日(1日)出咗業績，去年收入逾31億元，按年增長6%，純利按年增長近17%至逾11億元，毛利率升至58.6%，若拆開上下半年睇，下半年收入及純利都好過上半年，主要受惠人工智能(AI)發展急速，帶動數據中心需求急升，點睇公司前景？

《香港股票財技密碼》作者梁杰文指，新意網引證咗市場嘅睇法，就係AI發展可以帶動成個產業，而最受惠就係數據中心，新意網都有提及旗下AI數據中心，預租、續租情況都好理想。

Mike續指，如果將大數拆開嚟睇，近半年收入及利潤都錄得升幅，盤數都算靚仔。佢又話，現時管理層都對嚟緊幾年嘅生意增長樂觀，所以就解釋到點解股價今日逆市大升。