【專家分析】美AI硬件股繼續炒上落

【Now財經台】美股人工智能(AI)、硬件股昨晚(1日)反彈，但反彈動力唔算大，伺服器製造商戴爾(Dell)昨晚派咗上季成績表，業績及前景指引都好過預期，刺激股價喺美股昨晚延長交易時段一度飆逾10%，點睇呢類股份嘅前景？

泓瀚資本董事盧志威指，AI硬件、軟件股短期好消息差唔多反映晒，包括業績理想，而定單去到3年後都幾乎滿晒，所以呢啲公司一定有能力加價，但呢啲都係已知嘅利好消息，因此，交到靚業績短期嚟講未必係一個股價催化劑。

William又話，AI硬件企業嘅業績驚喜不足，令市場質疑資本開支(CapEx)會唔會已經見頂，加上債息不斷抽升，都反映呢啲公司唔想融資做CapEx，估計呢啲股份會繼續維持上落格局。