【專家分析】美股9月最少受3因素影響

【Now財經台】美股3大指數8月埋單都有得升，其中，道指已連升5個月，嚟到9月，美股以至環球股市係咪都有唔少變數，例如中東局勢再升溫，刺激油價又飆升，以及美國今個月加息預期持續升溫。此外，如果日本央行今個月加息令日圓上升，擔唔擔心一旦爆拆倉潮會影響環球股市？

高富金融集團投資總監梁偉民認為，若日圓反彈，但幅度唔係好誇張，拆倉風險暫時唔高。股市方面，佢指出，其中1個焦點一定係美國聯儲局會唔會加息，因為今年加息1次市場其實已price in咗，其他影響美股市況嘅因素，包括美國係咪持續加息，同埋半導體市場情緒，但呢部分就較難捉摸，業績及基本面暫時都冇問題，但估值方面會唔會覺得貴，同埋供不應求情況會持續幾耐，而中東局勢都係另一個變數。