【FINTERVIEW】若AI企業「鬧水荒」美國有難？(上)

【Now財經台】一連3日嘅Jackson Hole全球央行年會，今日(27日)會喺美國舉行，市場關注美國聯儲局主席沃什(Kevin Warsh)今晚發表嘅講話。美國財政部提出加碼回購長債，市傳會動用現金儲備買債，當中涉及咩原因？對壓低長債息效果又有幾大？

臻享顧問董事總經理王良享解釋，近兩年美國人工智能(AI)企業大力興建數據中心，涉及嘅資本開支龐大，加上回本期長又慢，所以唔少高科技公司開始發30年至40年期長債，繼而推高債息。

Tommy續指，其實呢類債券嘅價格由2月到依家已累跌10%至12%，如果繼續發債會開始有難度，另一方面，銀行又唔願意借錢做長線投資，結果就湧入頗為危險嘅私募貸款，令美國財政部開始擔心，一旦AI企業借唔到錢，就會令美國出現大危機。