【期匯決算】Yen下個阻力睇162

【Now財經台】日本央行副行長冰見野良今日(27日)發言時「放鷹」，但又唔係釋出放確訊號，日圓持續弱勢，喺159水平徘徊，日央行下月加息機會高唔高？日圓係咪好快又會觸及160水平？

獨立外匯商品分析師盧楚仁表示，日圓好快再上返160水平唔出奇，因為美元表現好，日圓都會造好，呢類弱勢貨幣反彈後都要照跌，所以今次唔使特別留意日央行加唔加息。

Jasper又話，日圓都好快會穿160，美元最近偏弱，對日圓有一定幫助，但日圓始終弱過美元，現時市場憂慮日央行債務問題多過加息，債務問題一日未解決，日圓就會繼續弱，下個阻力位睇162水平。