【名家給力場】SpaceX繼續挾淡倉？(上)

【Now財經台】SpaceX周一(10日)一度重上135美元招股價，雖然股價昨晚(11日)回調，但都企喺130美元樓上，SpaceX沽空股數喺7月急升，依家個沽空情況又係點？

「股市漁夫」創辦人莊志雄指，官方數字7月中先公布，代表當時至月尾「空軍」喺度不斷沽，而一批長期投資者都係睇準SpaceX嘅獨特性及長期願景，所以要佢哋喺低過招股價去沽比較難，佢估計，如果SpaceX上唔返200美元，都未必會大手沽。

Lewis又話，就算「解禁」後股數增加，都唔代表會有好多流通股比淡友補倉，挾淡倉格局仲未完，睇回補天數低，代表冇乜緩衝，所以出現一個奇怪情況，「解禁」後股價不跌反升，短時間夾咗上去接近招股價。