【名家給力場】美股8月會衰喺聯儲局手上？(下)

【Now財經台】港股7月「大翻身」，但同期外圍股市就大幅波動，人工智能(AI)概念股喺7月重挫，導致年僅25歲，前OpenAI研究員、有「少年AI股神」之稱嘅Leopold Aschenbrenner驚傳爆倉。美股嚟到8月似乎開局唔錯，道指及標指近日齊破頂，展望8月，美股係咪可以睇返好啲？

勝利證券首席顧問陳建良指，美股未來有機會慢慢回落，因為美國聯儲局畀唔到信心市場，美國消費者普遍認為局方打擊通脹只係「得把口」，因為主席沃什(Kelvin Warsh)上任後，聯儲局透明度下降，難獲市場信任。

KL又指，美伊衝突方面，因為雙方遲遲未有簽署協議，預期中東衝突唔會太快平息，最少要去到美國中期選舉，美國總統特朗普(Donald Trump)才會收手，佢提醒，每次衝突過後，雙方再埋枱傾時，油價又會跌，佢認為係買入嘅好時機。