【財經TOP SEARCH】趁高食糊？MiniMax北水效應隨時玩完

【Now財經台】截至早上11時止，過去1小時內《彭博》用戶搜尋量最多港股，依次為藥明生物(02269)、MiniMax(00100)、美高梅中國(02282)、友邦保險(01299)及九龍倉置業(01997)。

MiniMax周三(5日)未有北水加持都升咗10%，昨日(6日)正式入港股通，喺北水大舉掃貨下，股價勁升17%，今日(7日)一度再飆近26%，高見374.4元，值得留意係，睇返經紀牌號，買盤主要來自北水經紀。睇返技術走勢，依家喺50天線，即385元水平阻力都唔細，北水係咪會繼續掃高MiniMax股價？

大華繼顯執行董事梁偉源指，喺北水推動下，MiniMax股價近日已累升近40%，已升到相對高位，同埋始終要睇返公司基本因素。

佢又話，投資者要留意公司人工智能(AI)模型更新，因為依家唔同AI公司都有模型更新，競爭係好大，梁偉源又估計，北水威力會較短暫，小心股價會回套。