【專家分析】若霍峽通航油價可向下炒

【Now財經台】伊朗正審議1項法案，計劃禁美國及以色列船隻駛入霍爾木茲海峽(Strait of Hormuz)，更有伊朗通訊社報道話，伊朗喺海峽向敵對目標施襲，刺激油價又升過，其中，倫敦布蘭特期油大升近4%，而喺今朝(7日)亞洲交易時段曾見過每桶83美元，美伊似乎仲未傾掂數，點睇油價走勢？

艾德金融投資執行董事文錦輝指，如果唔落返80至82美元，唔使太擔心，因為油價依家喺75至88美元波動，之前開戰時見過90美元樓上，今次冇升得咁高，因為市傳美國唔夠導彈，如果派地面部隊又怕死傷多，會對美國總統特朗普(Donald Trump)中期選舉有好大影響，因此，估計油價暫時都係膠著。

Felix又指，依家最麻煩係航道擠塞，只要航道一通返，油價都會向淡炒，到時有機會見70至72美元。