【期匯決算】若美伊傾掂數 紐油或見67美元

【Now財經台】油價暫時已連跌第4日，已跌至約3周低位，係咪已反映美伊談判及霍爾木茲海峽(Strait of Hormuz)順利通航在望？值得留意係，伊朗副外長加里巴巴迪(Kazem Gharibabadi)表示，跟阿曼就霍爾木茲海峽通航嘅談判快達成協議，商船日後用新航道，大部分航程會經伊朗領海，意味伊朗喺通航後，管控權其實大咗。

獨立外匯商品分析師盧楚仁指，其實開戰前後都係伊朗管控海峽，美國只係想喺戰事期間攞返主導權，唔想比伊朗封鎖咗海峽找推高油價，美國暫時未有表態，相信美伊仲傾緊，基於呢個原因，油價近日反覆向下，但跌到現水平，市場開始擔心美伊傾唔掂數，現時處於一個觀望狀態。

Jasper估計，情況應該傾向樂觀，若戰事告一段落，紐約期油有機會落返每桶67美元。