【專家分析】錢唔走美股勢再破頂

【Now財經台】美股3大指數昨晚(4日)大升，其中，道指及標指齊破頂，前者收市勁升907點，報54085點，標指就升136點，報7736點，納指升逾2%，美股昨晚升得急，投資者追貨亦追得急，整體成交較過去1個月平均多9%，業績期完結前，美股係咪都會繼續升？

泓瀚資本董事盧志威估計，美股好大機會穩步向上，科網股喺6月至7月殺得好犀利，但板塊輪動令指數好快就回復返，甚至再創新高，資金由科技股流向傳統股或防守性高嘅資產，股市資金冇走到，只係避開高負債嘅股份，流向其他板塊，當資金未真正流出股市時，股市係好大機會再創新高。