【Now財經台】睇返100大新晉屋苑成交，6月合共745宗，按月增約10%，涉及金額逾70億元，按月增約9%，邊啲地區及屋苑表現最突出？當中涉及咩原因？
利嘉閣地產研究部主管陳海潮指，睇返百大屋苑6月成交，當中以九龍區升幅最大，區內42個屋苑錄得312宗登記，按月升18%，匯璽有34宗，大升48%，天晉就有25宗，勁升67%，都係表現較突出嘅屋苑。新界區方面，44個屋苑合共錄得382宗，按月升6%。
佢續指，個別樓盤因為發展商早兩年以一個較低價開盤，有投資者低價買入，到依家樓價升咗，見有水位就攞出嚟放售。
