【名家給力場】王良享:聯儲局第4季或焗加息

【Now財經台】美國聯儲局一如預期按兵不動，但值得留意係，今次罕有3名官員投反對票，並建議加息，釋出嘅強烈鷹派訊號更震散美股，其中，道指暴瀉逾千點。此外，中東戰事再升溫刺激油價飆升，令市場重燃對通脹上升嘅憂慮，會對市場造成咩影響？

臻享顧問董事總經理王良享認為，現時油價處於80至90美元水平，仍算係正常區間，如果未來油價持續高企，甚至升穿每桶100美元，或迫使聯儲局喺第4季加息。佢又提及，美國將會喺11月舉行中期選舉，美國總統特朗普(Donald Trump)每逢見到有威脅，就會宣布停戰幾日，以免再影響民望，因此，相信美伊再陷入泥漿式戰事機會唔大。

Tommy續指，美國汽油平均零售價喺5月見過每加侖4.5美元，6月就回落至3.88美元，而6月核心通脹按月持平，即係零增長，加上就業市場冇想像中咁好，都會影響通脹數字。