【FINTERVIEW】兩因素主導全球利率走向(下)

【Now財經台】國際清算銀行(Bank for International Settlements，BIS)日前指，人工智能(AI)熱潮令各國央行更難設定利率。美國聯儲局官員亦講過，AI需求持續增加有機會推升通脹，美國中期選舉將會喺11月3日舉行，選舉前後通脹會唔會加快升溫？

富邦香港投資策略及研究部主管潘國光指，美國龍頭企業狂燒錢形成財政刺激，令美國經濟維持偏強，多家機構預期，美國今年國內生產總值(GDP)有望升2.5%，喺AI熱潮令需求不斷增加下推動下，記憶體及硬件等價格大升，不過，過去數月，市場開始擔心科技巨企喺AI方面不斷燒錢，導致支本開支大升，部分自由現金流大減，甚至出現負數，繼而影響股價。

佢續指，除咗半導體股大跌，中國陸續推出AI產品打壓Token收費，導致AI工具收費下跌，對物價嘅影響開始減弱，反而油價和相關能源價格會衝擊消費物價指數(CPI)及PCE物價指數，因此，中東局勢及油價仍然係影響各國央行加息或減息決定嘅關鍵因素。