【專家分析】美出手打壓月之暗面不利股市？

【Now財經台】月之暗面(Moonshot AI)上周發布新人工智能(AI)開源模型「Kimi K3」，被視為「DeepSeek 2.0」，更有力威脅美國嘅AI前沿模型。中美嘅AI角力持續，白宮最新指控月之暗面用配備英偉達(Nvidia)GB300伺服器，懷疑用嚟訓練AI模型「Kimi K3」，美國呢個「反撃」會唔會影響大市氣氛？

東亞證券高級投資策略師陳偉聰指，大市氣氛絕對會受美國嘅反撃影響，過去幾日，市場對港股或AI相關股比較亢奮，原因係Kimi K3發布後，市場認為性能追得上美國最頂尖模型，而定價較低，性價較高。

Jason續指，Kimi K3畀人感覺較強，因為大部分晶片及算力圓形處理器(GPU)，都係用Nvidia嘅Blackwell產品，但眾所周知，美國政府針Nvidia晶片下咗禁令，唔可以賣畀中國企業，對內地嚟講，要再發展大模型及使用美國最頂尖晶片都會受到更大限制，一定對市場氣氛會有影響。