【名家給力場】若海峽情況再惡化煉油設施遭殃？(下)

【Now財經台】美軍已連續11日向伊朗發動攻擊，油價持續反彈，而可以通過霍爾木茲海峽(Strait of Hormuz)嘅船隻數量再度減少，要回復至戰前水平嘅機會有幾大？航運情況再度惡化，對油價影響有幾大？

「股市漁夫」創辦人莊志雄認為，雖然美國最近嘅軍事行動，可以摧毀到好多軍事設施，但對全球經濟嚟講，最重要係可以通過霍爾木茲海峽船隻數量，可唔可以維持喺高水平。佢又指，美伊簽署諒解備忘錄時，可以通過海峽嘅船隻數量一度大升70%，但重點應該係平均數字，而唔係單日數字。

Lewis又提及，戰爭前可以通過海峽嘅船隻介乎60至80艘，依家7日平均數係20艘樓下，即唔夠30%，郵輪亦由戰爭前30至40艘，跌至唔夠10艘，所以佢擔心全球原油庫存消耗嘅同時，一旦唔夠油就會影響煉油設施。

Lewis續稱，若海峽情況進一步惡化，而美國絕對軍事優勢又唔能夠紓解原油問題時，即使原油運輸改道或經油管輸出，全球每日仍缺1000萬桶，若通航持續受阻，去到9月或會影響煉油設施，因此，高盛亦估計，倫敦布蘭特期油第4季有機會突破每桶120美元。