【財經TOP SEARCH】SK海力士美韓洗倉潮未完？

【Now財經台】截至早上11時止，1小時內《彭博》用戶關注度上升最多港股，依次為XL二南方海力士(07709)、智譜(02513)、MiniMax(00100)、泡泡瑪特(09992)、美團(03690)。

XL二南方海力士連續2日急挫，今日(17日)一度再瀉逾20%，低見45元，南韓金融服務委員會喺昨日(16日)收市後公布，停批個股槓桿產品，以提高投資者入場門檻，當局解釋，16隻個股槓桿ETF推出唔夠2個月，總市值已飆1.7倍，所以要喺市場穩定前，暫停審批個股新產品，到底股洗倉要洗到幾時，韓股先可以喘定？

大華繼顯執行董事梁偉源表示，有呢個去槓桿行動，股價自然會冧，投放落孖展嘅資金好快會被消化，要等投資落槓桿、孖展嘅資金清咗先會搵到股價低位。

Steven又話，去槓桿導致股價急瀉，連帶觸發冇進行槓桿投資嘅投資者都選擇止蝕，當股價繼續跌，長線投資者都要加入買貨沽貨，令跌勢無法短時間內扭轉。