【專家分析】點解龍翼航科大股東減磅照狂飆？

【Now財經台】龍翼航空科技(00918)今朝(16日)開市前出通告，指公司股權出現重大變動，控股股東兼主席張金兵以每股1元，較昨日(15日)收市價有約3%折讓，減持公司近27%股權，總代價約3億元，呢批貨嘅買家係SBI CHINA FUND，交易完成後，張金兵持股量由逾48%降至約20% ，表決權則降至30%以下，意味唔再係控股股東，退居為第2大股東，今次呢個動作背後有咩盤算？龍翼航科股價今日一度狂飆66%，高見1.72元。

《香港股票財技密碼》作者梁杰文表示，今次都係一個幾激烈嘅股權轉變，減持規模都幾誇張，一般嚟講，呢類消息都係利淡，因為今次買家持股不足30%，所以唔需要提全購，估計買賣家雙方已有協調，唔會將股份一次過轉讓。

Mike坦言，對消息觸發龍翼航科價大升感到意外，可能由於龍翼航科始終屬於細價股、殼股，平時又冇乜消息，而家突然傳嚟一個算係重要嘅消息，加上港股今日大升，就觸發股價大幅炒上。

不過，中長線睇，除非後續有其他動作跟尾，否則，單憑呢個消息好難支撐到股價持續企喺高位。