【期匯決算】AI熱持續銅價有機再破頂

【Now財經台】雖然內地經濟數麻麻，其中，固定資產投資及樓市仍弱，不過，銅價仍企穩每噸1.36萬美元樓上，今年以來累升約10%，銅價未來係咪可以繼續造好？

獨立外匯商品分析師盧楚仁認為，銅價炒作唔再受A股及人仔走勢影響，焦點轉移至美國、日本、南韓等工業國經濟。佢續指，呢啲國家大力興建晶片廠，令土木工程大增，帶動建築材料如銅嘅需求上升，因此，令銅價可以跑贏金價及銀價。

盧楚仁相信，只要環球股市繼續有表現，人工智能(AI)又繼續推動各類基建發展，銅價後市仍可睇高一線，未來更有機會再創新高。