【名家給力場】炒AI股要揀啱主題(下)

【Now財經台】美股人工智能(AI)及硬件類股份回調，資金開始流出呢類熱炒股，聯儲局主席沃什(Kevin Warsh)上場後，標普500指數市寬回升，點解讀呢個情況？

「股市漁夫」創辦人莊志雄指，美股市寬上下波動，冇好明顯嘅方向，喺咁嘅情況下，市場資金就會輪動，唔同時間會炒唔同板塊，除咗半導體股，沃什上場後，反而係生科及銀行股跑出。

Lewis又話，IBM由高位回調超過30%，明明6月仲創緊52周新高，但突然逆轉，單日跌幅仲勁過疫情及2008金融海嘯嘅時候，反而戴爾(Dell)、美光(Micron)、HP喺IBM跌嘅時候造好，睇得出贏家、輸家分別好大，佢提醒，就算同樣係AI股，都要揀啱主題嚟炒。