【專家分析】內地人「寧儲錢唔使錢」暫難扭轉？

【Now財經台】國務院昨日(13日)發公告，原則上同意《擴大消費十五五規劃》，又提出28項關鍵措施，目標到2030年，社會消費品零售總額達60萬億人仔，期望提升消費對經濟嘅貢獻。高盛認為措施偏向「供給側」，短期提振作用或有限，同唔同意高盛嘅睇法？政策解唔解決到消費疲弱問題？

天風國際李偉傑表示，呢個政策長遠可改善零售規劃，但短線刺激作用待變，內地最新零售數據明日(15日)就會出爐，而5月表現就差過預期，而喺數據出爐前夕，政府先向市場展示未來5年規劃有向上推動期望。

實質執行方面，Jason認為，需視乎居民消費意欲及動力，若通脹唔係太高，居民冇需要急於消費，加上近期經濟狀況變化快，今年財富效應又未浮現，令居民傾向儲蓄，對消費較審慎，除非市場對經濟前景樂觀或賺錢能力變強，令居民消費意欲提升，否則，喺冇穩定收入基礎下，唔會咁易出現強勁消費，不過，有服務體驗嘅產品或必需品可以配合到政策。