【槓桿致勝】恒指好淡倉點部署？

【Now財經台】恒生指數昨日(13日)反覆向上，一度險守24000關，好友昨日轉為加倉，好倉有461萬元流入，但5日合計有1.7億元離場，淡友就轉為減倉，淡倉昨日有266萬元流出，5日合計有2.23億元坐貨。牛證重貨區連續兩日喺23600點，熊證就集中喺貼價嘅24500點及24600點，恒指好淡倉應該點部署？

胤源世創家族辦公室(香港)第一副總裁黃偉豪指，恒指今朝(14日)一度失守24000關，之後又收復返，反映市底暫時仍算強，資金追捧大價股及指數股為主，如果呢啲股份造好，會對指數有較大幫助，始終大市自低位22500點開始反彈，以昨日高位24449點計，已彈咗逾2000點，所以喺呢啲位稍微反覆少少都係正常。

Ravi又指，好倉大位喺23800點水平，牛證重貨位喺23600點，如果想保守啲或想擺耐少少，收回價擺23400點樓下會較好。佢又認為，暫時唔使咁心急開淡倉，不妨睇多一兩日，睇下恒指可唔可以升穿24500點，如果升唔穿，可以考慮喺24500點水平部署熊證，但收回位擺25000點以上會較好。