【專家分析】加息恐慌美股借勢再回調？

【Now財經台】美國聯儲局主席沃什(Kelvin Warsh)今晚(14日)起一連兩日到國會作證，喺佢作證前聯儲局理事沃勒(Christopher Waller)警告，若美國通脹過熱，近期或需加息，沃勒一向被視為美國總統特朗普(Donald Trump)嘅支持者，如果聯儲局真係要加息，係咪要小心股市出現調整？

高富金融集團投資總監梁偉民指，市場過去幾個月都有price in加息，因為近期油價反彈，加息預期自然再升溫，不過，油價彈一兩日唔足以令聯儲局加息，加上仍未重返3月至4月高位，所以佢認為7月加息機會唔大，最快都要9月先有機會加息。

Wyman續指，其實市場price in加息風險都係未夠，尤其係科技股，雖然最近記憶體及半導體相關板塊已開始調整，但始終今年累積升幅仍然好誇張，所以股市借加息前景不明朗，或潛在隱憂再出現調整都唔出奇。