【專家分析】台積電要喺加價、利潤率「二揀一」？

【Now財經台】台積電今午(13日)出咗最新營運數據，6月營業收入逾4426億新台幣，按年增長逾67%，創單月新高。此外，集團不斷傳嚟加價消息，3納米等先進製程報價上調外，加價潮亦擴至成熟製程，預期明年初生效，喺加價潮之下，台積電係咪可以維持高毛利率？若產品組合有利，加上產能利用率提升，毛利率係咪可以再升？

高歌證券金融首席分析師聶振邦表示，現時台積電毛利率屬於高水平，由去年第4季開始已經喺逾60%徘徊，十分強勢，加上收入持續增長，有助整體利潤提升，前景相對樂觀。

聶Sir又指，現時市場重點關注落喺一旦加價成為常態，之後收入增速會唔會因而放慢，到時台積電就要取捨，所以暫時市場稍微觀望，要睇埋第3季業績，先可以評估高毛利率對台積電係正面幫助，還是負面影響。