【名家給力場】迪諾斯大折讓配股小股東有Say？

【Now財經台】迪諾斯環保(01452)股價今日(13日)大升，一度高見0.24元，狂飆46%，創52周新高，其後升幅收窄，股價今日爆升可能同一單消息有關，集團擬以每股0.1368元，配股集資，較上周五(10日)收市價折讓逾16%，大股東將會認購，完成後，持股量升至逾59%，值得留意係，如果同去年底資產淨值(NAV)比較，折讓逾34%，而今次僅淨籌逾2300萬元，並申請清洗豁免，即大股東唔願意按例全購，點睇呢單Deal？

《香港股票財技密碼》作者梁杰文表示，過去幾個月，迪諾斯股價炒高咗，用較市價有折讓嘅價錢認購股份係無可厚非，如果小股東唔樂見折讓幅度咁大，尤其配股價同去年底NAV比較，折讓逾30%向大股東發股，可以透過股東大會否決。

Mike又指，因為涉及清洗豁免，要喺股東大會通過嘅門檻都幾高，所以小股東絕對有機會左右大局。