【FINTERVIEW】 王良享:內地要用貨幣政策谷消費(上)

【Now財經台】內地今早(9日)出咗通脹數據，內地居民消費格價指數(CPI)及工業生產者出廠物價指數(PPI)，其中，CPI按年升幅放緩至1%，略低過預期，係咪反映內地物價上升動力仍不足？此外，內地多家銀行推消費貸款優惠幫手谷內需，年息低至3厘，對刺激消費作用有幾大？

臻享顧問董事總經理王良享表示，CPI升幅略過低預期，反映內地對石油依賴愈來愈低，加上由戰事帶動嘅通脹好快會回復正常，而「反內捲」措施仍未完全令通縮消退，僅成功咗一半。佢續指，人民銀行亦坦言內需仍然疲弱，估計會繼續拖累CPI，內地經濟仍需靠財政措施、減息降準等支持，估計中央未來會更積極推動各類財政措施，不過，人行減息降準機會相對細。

Tommy又話，內地自去年開始，集中火力搞好供應鏈，又推出針對性貸款，對刺激消費都幾有效，現時內地超額存款規模仍然龐大，相信只係欠缺信心，要刺激消費始終要用貨幣政策谷返啲錢出嚟。