【專家分析】美6月CPI會跟油價回落？

【Now財經台】國際貨幣基金組織(IMF)昨日(9日)下調今年經濟增長預測，估計全球綜合消費物價指數(CPI)將升至4.7%，再睇返美國聯儲局6月議息會議紀錄，局內對通脹嘅憂慮升溫，部分官員認為6月係有加息理據，喺美伊局勢再度升溫下，點睇美國下周二(14日)出爐嘅6月CPI？聯儲局係咪會加息？

東亞證券高級投資策略師陳偉聰指，油價喺過去兩個月累跌近40%，因此，估計美國6月CPI好大機會跟油價跌，不過，依家市場嘅憂慮唔止來自能源價格通脹，亦擔心喺人工智能(AI)急速發展下，經濟表現較強及企業可以慳成本下，可能會推高其他環節嘅通脹，例如房租及醫療護理價格。

Jason又指，如果整體核心通脹未能回落，一定會影響聯儲局對未來加息嘅考慮，所以唔係純粹油價跌，就等於通脹壓力完全消退，只係相關壓力稍為紓緩，但整體核心通脹仍有較大韌性。