【名家給力場】美光股價反映韓台股資金倒流H股？(下)

【Now財經台】美國半導體股昨晚(7日)出現大調整，其中，記憶體晶片龍頭美光科技(Micron Technology)挫4%，近日市場對人工智能(AI)相關投資及AI泡沫嘅憂慮再度升溫，美光股價走勢係咪有啟示？

「股市漁夫」創辦人莊志雄指，之前韓股及台股喺新興市場吸咗唔少錢，對H股市場都有影響，依家存儲類股份回調超過20%，反而拖累返佢哋本身嘅股市，由於存儲類股份比重較大，出現資金倒流返H股嘅情況。

Lewis又話，美光亦有類似情況，業績造好，Q3收入大升逾3倍，但仍然托唔到股價上去，美光好早就釋出「轉勢向上」嘅訊號，第2季季結後，個市反而好似掉轉炒，韓股及台股跌，H股又好轉，6月底出現止賺訊號，所以美光股價走勢係有啟示。