【專家分析】半導體硬件股爆沽貨潮因估值太貴？

【Now財經台】昨日(7日)美股嘅科技、半導體股被視為擁擠交易(Crowded Trade)，出現平倉、獲利情況，加上中東局勢再升溫，拖累3大指數低收，費城半導體指數(SOX)就挫逾4%，其中，成分股英特爾(Intel)瀉近10%，其實呢類股份已自6月高位回調咗唔少，擁擠交易係咪比咗一個藉口市場沽貨？

泓瀚資本董事盧志威指，極度擁擠嘅交易都係來自半導體、硬件類股份，呢啲股份嘅升幅以倍數計，所以出現獲利或平倉情況好正常。

William又提及，雖然長線比較難講，但短線而言，呢類公司未來2至3年嘅產能已被預約，即使加價後仍然售罄，業績方面似乎已好穩固，只係股價超前反映，由於唔少市場普遍都唔太接受呢個估值邏輯，同埋都想沽貨套現。

佢相信，半導體、硬件股跌到某個水平就會有反彈，不過，現時市場仍由情緒主導，所以暫時仍要等一等。