【槓桿致勝】恒指牛熊證點擺位？

【Now財經台】恒生指數昨日(6日)再升逾260點，連升3個交易日，但大市今朝(7日)回調，好倉連續3日有資金流出，5日合計有1.37億元離場，但淡倉友連續3日有資金流入，5日合計有8510萬元入場。牛熊證方面，牛證23100點及23000點最多人加倉，熊證重貨區喺23900點及24000點貨。如果依家入場揀邊一邊更值博？

胤源世創家族辦公室(香港)第一副總裁黃偉豪指，資金都係睇住一啲重要關口擺位，例如熊證重貨區喺24000點水平，呢個位上望阻力喺23800點，牛證重貨區喺22500點樓下，因近期低位喺22518點水平。

Ravi又指，揀距離現價500點，還是1000點以外，就要視乎投資者操作，如果做即市部署，收回價擺距離現貨約500點都係合適，若要擺過夜或更長時間，收回價距離現貨1000點以外會較合適，熊證收回價短期可以擺24000點，牛證收回價可以擺23000點水平，過夜就要再擺遠啲。