【專家分析】三星大賺股價冧隱藏危機浮面

【Now財經台】南韓記憶體龍頭之一三星電子(Samsung Electronics)，今朝(7日)出咗第2季初步業績，季度經營利潤按年勁升約18倍至89.4萬億韓圜，超預期，不過，三星股價今朝一度重挫近8%，低見2930000韓圜，點解股價反應咁負面？

高富金融集團投資總監梁偉民指，最近市場對記憶體市場有較大憂慮，三星、SK海力士(SK hynix Inc.)及其他記憶體供應商，都先後話要大增產能，其中，南韓政府之前牽頭，跟三星及海力士投資天價金額增加記憶體及半導體產能，市場憂慮喺產能大增下會出現供過於求嘅情況，繼而影響記憶體價格。

另一方面，最近電子產品零售商如蘋果公司(Apple Inc.)，因為記憶體太貴，導致產品需要加價，但加價或會打擊市場對電子產品及記憶體需求，喺呢個情況下，單靠業績未必可以利好股價。

Wyman又指，市場亦可能擔心三星股價之前升咗咁多，估值會過咗龍，亦擔心之前樂觀嘅預期最終唔會出現，投資者要留意未來幾年，科技公司係咪持續大手投資喺人工智能(AI)，支撐記憶體火熱嘅需求。