【名家給力場】現價追AI股膽博膽？(上)

【Now財經台】港股近期持續弱勢，恒生指數今日(26日)一開市已插穿23000關，大市沽壓沉重，不過，人工智能(AI)概念股相對強勢，雖然唔少AI概念股今日(26日)回套，但今年累計升幅仍相當驚人，升幅講緊幾倍或以上，投資者係咪應該放棄指數股，趁AI熱持續照追入？

勝利證券首席顧問陳建良指，港股嘅AI股估值同外國未上市嘅同類公司比較，仍有好大折扣，美股嘅AI股貴，但內地AI股就相對平好多，加上內地AI迎合大部分普通用家需求，所以AI概念股先會咁強勢。

不過，KL認為，就算AI股回調都唔值得追入，首先唔知依家係咪見頂回落，其次見到香港市場都出現一啲外國單隻股票，反映AI股已明顯過熱，如果依家追入，就要抱住一個賭博心態，所以佢認為唔值得追入。