【FINTERVIEW】 美股有AI撐唔伯美金強(上)

【Now財經台】美匯指數企穩101水平，美國10年期債息回落至4.4厘水平，不過，油價、金價及比特幣(Bitcoin)都要跌。一般嚟講，美元強就不利科技股，但債息又會回落，而Bitcoin價格跌係反映市場風險胃納，點睇金融市場前景，係相對樂觀定謹慎?

富邦銀行(香港)投資策略及研究部主管潘國光表示，兩大投資主題正衝撞緊，一方面人工智能(AI)需求持續，令相關晶片、硬件公司一直支撐大市，美伊戰事令油價飆升，依家大市係靠科技股支撐。

另一方面，油價之前大升，通脹亦跟升，上周聯儲局議息後，市場一直炒緊加息壓力，過往美元升會不利美股，但今次只係令非美貨幣同商品受壓，美股、科技股繼續有AI需求支撐。