【專家分析】AI熱潮下美記憶體公司繼續交靚績

【Now財經台】美國記憶體晶片公司美光科技(Micron Technology)季績勝預期，收入及指引都遠超預期，刺激股價於美股昨晚(24日)收市後延長交易時段一度飆逾15%。點睇美光業務及股價前景？

東亞證券高級投資策略師陳偉聰指，美光交咗一份好過預期嘅靚季績，前瞻指引亦理想，管理層對未來記憶體價格亦睇得幾樂觀，加上估計至2027年RAM仍供不應求，股價破頂嘅同時，但估值及市盈率(PE)都冇抽得太高，明顯係盈利直接推升股價。

Jason續指，估計短期內記憶體公司嘅業績都唔會差，但需留意市場對呢啲公司有一定期望，所以未來要關注可唔可以跑贏。