【期匯決算】韓圜貶值趨勢難扭轉

【Now財經台】南韓股市經歷「黑色星期二」後，今日(24日)收市反彈逾3%。指數編製公司MSCI提及韓圜流動性不足，所以針對問題進行改革，將在岸外匯交易時間大幅延長，將於下周一(29日)試行，係咪可以解決南韓在岸匯市交易量不足及深度問題，並利好韓圜？

獨立外匯商品分析師盧楚仁指，呢個改革能提升交易量係一個合理推斷，但未必代表韓圜可以走強，因為成交嘅多少同升跌唔可以相提並論。佢又話，可以根據經濟周期走勢及美元強勢程度判斷後市走勢。

Jasper續指，現時處於「韓股升、韓圜跌」嘅階段，好多套利交易出現，唔少人沽韓圜、借韓圜去買韓股，所以韓圜嚟緊嘅貶值大趨勢應該唔會變，朝著1美元兌1600韓圜嘅歷史低位下滑。