【專家分析】美股大價股回套壓力大

【Now財經台】美股3大指數昨日(25日)全線向下，其中，標指挫逾2%，納指1.4%，費城半導體指數(SOX)更急瀉近8%，主要受半導體股沽壓、通脹及加息預期、地緣不確定性等因素影響，不過，道指表現就幾硬淨，只係跌45點，有恐慌指數之稱嘅VIX都唔高，點睇美股市況，跌勢有冇機會加劇？

泓瀚資本董事盧志威指，美股跌勢主要集中喺跟人工智能(AI)相關嘅硬件、軟件公司，睇返依家嘅市況，個別股份因為炒得太高太癲而出現調整。

William又指，如果用4月低位計，唔少大價股嘅股價已經翻倍，因此，就算跌返20%至30%，仍較低位升咗50%至60%，累積嘅回套壓力都幾大，所以就算冇壞消息嘅情況下，去到呢啲位出現較深調整都唔出奇。