【專家分析】等金價跌到呢個位再入手金礦股

【Now財經台】金礦股今日(22日)普遍都要跌，金價就繼續冇乜力，喺每盎司4100美元水平上落，金礦股走勢同金價都幾吻合，近日都幾多大行下調金價預測，其中，高盛最新降至4900美元，瑞銀及摩根大通就睇5000美元樓上，金價仲有幾大調整空間？會唔會慢慢上返大行嘅目標價？

高歌證券金融首席分析師聶振邦指，美國上次加息係基於疫情因素，所以類比性較低，現時係考慮美伊戰事引發嘅高通脹，暫時估計美國聯儲局有機會加1至2次息，但唔係一個新加息周期來臨。

聶Sir又話，金價短期會持續波動，如果美伊和談可以持續，市場憧憬戰事今年第3季就會結束，對金價會有較大支持，佢估計，金價短期會喺4000美元至4400美元波動，如投資者想買金礦股，可以睇實金價走勢，喺現水平或再跌多少少，再買入金礦股會較安全。