【名家給力場】嘉藝或已唔聲唔聲「易手」

【Now財經台】資金繼續炒股唔炒市，毫子股嘉藝控股(01025)有配股消息，集團計劃配售最多8087萬股，配股價0.2元，較上周四(18日)收市價折讓逾4%，集資淨額逾1500萬元，擬用作一般營運資金。值得留意係，截至去年9月止，集團只剩返546萬元現金。點解公司選擇喺依家咁嘅市況「抽水」？嘉藝股價今日(22日)一度炒高22%，高見0.255元，係咪一個正面訊號？

《香港股票財技密碼》作者梁杰文指，嘉藝近年有唔少負面消息，今年3月中旬曾經「1供1」，依家又宣布配股，令原有股東持股被攤薄，雖然今次配股價折讓唔大，但配股價同上次供股價一樣，市場認為市值低過殼價，加上有唔少財技動作，開始有資金偷步入場，認為莊家心目中嘅價位已見底。

Mike提醒，大股東近年多次供股、配股「抽水」，可能已靜靜地退出，公司股權、話事權可能已悄悄「易手」。