【名家給力場】聯儲局縮表要等明年？

【Now財經台】聯儲局新主席沃什(Kevin Warsh)上任後首個議息會議結束，一如預期維持利率不變，點評估美息走向？現時聯儲局資產負債表高達6.7萬億美元，一向主張縮表嘅沃什又會唔會喺呢個時候重提縮表？

臻享顧問董事總經理王良享指，暫時睇嚟聯儲局今年加息機會仍然係一半半，依家美國通脹最主要受3大因素影響，分別係油價、關稅及人工智能(AI)投資，但呢3方面都各自有進展，而美國就業市場過去3個月情況良好，相信就快見頂，聯儲局有準備及忍性等通脹慢慢回落。

至於聯儲局會唔會縮表，Tommy就話，如果美國經濟增長約2.5%，達趨勢增長率以上，加上資本市場暢旺，若投資者唔會太恐慌，沃什明年有機會重提縮表，但要留意，如果想喺短期內賣晒之前買落嘅債，就會出現一個未實現損失(Unrealized Loss)約8000億美元，為咗避免呢個問題，估計會縮表但唔會主動賣債。